اسلام آباد:(جمعو 25 جولاءِ 2025ع)مرڪزي رويت هلال ڪميٽي اعلان ڪيو آهي ته صفر جو چنڊ نظر نه ايندو ۽ پهرين صفر آچر تي ٿيندي.
مرڪزي رويت هلال ڪميٽي جو اجلاس مولانا عبدالخبير آزاد جي صدارت هيٺ اسلام آباد جي ڪوهسار علائقي ۾ مذهبي معاملن واري وزارت جي عمارت ۾ منعقد ٿيو. اجلاس دوران شرڪت ڪندڙن کي ملڪ جي ڪنهن به هنڌ کان چنڊ نظر اچڻ جي ڪا به شاهدي نه ملي.
اجلاس کان پوءِ ڪميٽي اعلان ڪيو ته سڀاڻي ڇنڇر، 30 محرم 1447 هجري آهي ۽ پهرين صفر 1447 هجري آچر، 27 جولاءِ تي ٿيندي، جنهن جو نوٽيفڪيشن جاري ڪيو ويو آهي.
اهو ياد رکڻ گهرجي ته فلڪيات جي ماهرن پڻ اڳڪٿي ڪئي هئي ته اڄ چنڊ نظر نه ايندو.
0 تبصرے
Do not use vulgar language