اسلام آباد:(اڱارو 08 جولاءِ 2025ع)سينيٽ جي اسٽينڊنگ ڪميٽي آن ڪميونيڪيشن انڪشاف ڪيو ته موٽر ويز تي ٽول ٽيڪس ۾ 100 سيڪڙو کان وڌيڪ واڌ ٿي آهي.
نيشنل هاءِ ويز اٿارٽي جي چيئرمين اسٽينڊنگ ڪميٽي کي ٻڌايو ته ٽول ٽيڪس 6 سالن کان نه وڌيو هو، تنهن ڪري قيمت اوچتو وڌي وئي، آمدني 320 ملين کان 640 ملين ڏيکاري پئي وڃي، اهو ٽول ۾ واڌ جي ڪري آهي.
ان تي سينيٽر پرويز رشيد پڇيو ته توهان موٽر وي تي عوام کي ڪهڙيون سهولتون فراهم ڪيون آهن؟
اجلاس دوران ايم-6 لاءِ 2 ضلعن ۾ 4.5 ارب رپين جي غبن جو معاملو به سامهون آيو.
اين ايڇ اي جي چيئرمين چيو ته سنڌ حڪومت 2 ڊپٽي ڪمشنرن جي غبن ڪيل رقم ڏيڻ جي آڇ ڪئي آهي، سنڌ حڪومت رقم جمع ڪرائڻ جي آڇ ڪئي آهي ته جيئن منصوبو جاري رهي سگهي.
چيئرمين چيو ته سنڌ حڪومت درخواست ڪئي آهي ته ڊي سيز کان رقم گڏ ڪري رقم واپس ڪئي وڃي.
0 تبصرے
Do not use vulgar language