ڪريملن:(خميس 17 جولاءِ 2025ع)روس ۽ يوڪرين وڌيڪ لاشن جو تبادلو ڪيو آهي، ڪريملين تصديق ڪئي آهي.
بين الاقوامي ميڊيا جي رپورٽن موجب، ڪريملين جي هڪ مددگار چيو آهي ته روس ۽ يوڪرين جنگ ۾ مارجي ويلن جي وڌيڪ لاشن جو تبادلو ڪيو آهي، گذريل مهيني ترڪي ۾ امن ڳالهين جي ٻئي دور دوران ٿيل معاهدي جي تحت.
امن ڳالهين لاءِ روسي وفد جي سربراهه ولاديمير ميڊسنڪي خميس ڏينهن ٽيليگرام تي چيو ته استنبول ۾ ٿيل معاهدن کان پوءِ، اڄ 1,000 يوڪريني سپاهين جا لاش يوڪرين جي حوالي ڪيا ويا آهن.
هن وڌيڪ چيو ته يوڪرين 19 مارجي ويل روسي سپاهين جي حوالي ڪيا آهن.
لاشن جي تبادلي جو معاهدو استنبول امن ڳالهين دوران ٿيو. روس 3,000 يوڪريني سپاهين جا لاش واپس ڪرڻ جو ارادو رکي ٿو.
ان کان اڳ، 18 اپريل تي، روس ۽ يوڪرين جنگي قيدين ۽ لاشن جو تبادلو ڪيو، جنهن ۾ روس 909 سپاهين جا لاش يوڪرين ڏانهن موڪليا. يوڪرين 43 سپاهين جا لاش پڻ روس جي حوالي ڪيا آهن.
فيبروري جي وچ ۾، يوڪريني صدر 46,000 سپاهين جي موت جي تصديق ڪئي. زيلنسڪي موجب، روس سان جنگ ۾ 380,000 فوجي زخمي ٿيا آهن.
ٻئي طرف، هڪ پرڏيهي نيوز ايجنسي جو اهو به چوڻ آهي ته روس 2022 ۾ پنهنجي 6,000 سپاهين جي موت جي تصديق ڪئي، ۽ ان کان پوءِ پنهنجي نقصان جي رپورٽ نه ڏني آهي.
برطانوي نشرياتي اداري بي بي سي دعويٰ ڪئي آهي ته جنگ جي شروعات کان وٺي 100,000 روسي سپاهي مارجي ويا آهن.
0 تبصرے
Do not use vulgar language