اسلام آباد:(اڱارو 24 جون 2025ع)آزاد ڪشمير جو اڳوڻو وزيراعظم سردار تنوير الياس پيپلز پارٽي ۾ شامل ٿي ويو آهي.
سومر ڏينهن آزاد ڪشمير جي اڳوڻي وزيراعظم تنوير الياس پيپلز پارٽي جي وومين ونگ جي صدر فريال ٽالپر سان ملاقات ڪئي، جنهن ۾ گورنر پنجاب، سينيٽر سليم مدوي والا، ضياءُ النجار ۽ ٻين شرڪت ڪئي.
زرداري هائوس جي ترجمان موجب سردار تنوير الياس، علي شان سوني ۽ احمد صغير پيپلز پارٽي ۾ شامل ٿيڻ جو اعلان ڪيو.
آزاد ڪشمير جي اڳوڻي وزيراعظم تنوير الياس چيو ته ڪشمير ڪاز لاءِ پيپلز پارٽي جون ڪوششون بي مثال آهن.
ان موقعي تي فريال ٽالپر پيپلز پارٽي ۾ شامل ٿيندڙ ماڻهن جو استقبال ڪيو.
فريال ٽالپر چيو ته جيڪڏهن بلاول ڀٽو زرداري وزيراعظم بڻجي ويو ته آزاد ڪشمير ۾ بي مثال ترقي ٿيندي ۽ ڀارت کان والاريل ڪشمير جي آزادي جو خواب حقيقت بڻجي ويندو.
0 تبصرے
Do not use vulgar language