يوڪريني هوائي حملو، ڪيترائي روسي جهاز تباهه

ماسڪو:(آچر 01 جون 2025ع)يوڪرين روس تي اڄ تائين جو سڀ کان وڏو هوائي حملو ڪيو آهي، جنهن ۾ دشمن جي درجنين جهازن کي تباهه ڪرڻ جو دعويٰ ڪيو ويو آهي. يوڪريني عملدارن موجب، ڊرون ۽ ميزائل استعمال ڪندي مختلف روسي هوائي اڏن تي هڪ وڏو حملو ڪيو ويو، جنهن ۾ 40 جهاز تباهه ٿي ويا. روسي عملدارن جو چوڻ آهي ته سومر تي استنبول ۾ شروع ٿيندڙ يوڪرين سان امن ڳالهين کان اڳ هڪ وڏي ڪارروائي ۾ ڪيترائي فوجي هوائي اڏا ڊرون حملي جي زد ۾ آيا آهن. روسي وزارت دفاع چيو ته يوڪرين آچر تي پنجن علائقن ۾ روسي فوجي هوائي اڏن تي ڊرون حملا ڪيا، جنهن جي ڪري ڪيترائي جهاز باهه ۾ سڙي ويا. حملا مرمانسک، ارڪٽسڪ، ايوانوو، ريازان ۽ امور علائقن ۾ ٿيا. وزارت چيو ته هوائي دفاع ٻن علائقن، مرمانسک ۽ ارڪٽسڪ کانسواءِ سڀني حملن کي رد ڪري ڇڏيو. "مرمانسک ۽ ارڪٽسڪ علائقن ۾، هوائي اڏن جي ويجهو هڪ علائقي مان ايف پي وي ڊرون لانچ ڪرڻ جي نتيجي ۾ ڪيترائي جهاز باهه ۾ سڙي ويا، باهه تي ضابطو آندو ويو ۽ ڪو به جاني نقصان نه ٿيو،" وزارت چيو. وزارت چيو ته حملن ۾ ملوث ڪجهه ماڻهن کي حراست ۾ ورتو ويو آهي. حڪمن چيو ته حملن ۾ يوڪريني سرحد کان تقريباً 4,300 ڪلوميٽر (2,700 ميل) پري ارڪٽسڪ ۾ بلايا ايئر بيس ۽ يوڪرين کان تقريباً 1,800 ڪلوميٽر (1,100 ميل) ڏکڻ مرمانسڪ ۾ اولنيا ايئر بيس کي نشانو بڻايو ويو.