غزہ:(سومر 30 جون 2025ع)غزه ۾ اسرائيلي فوج جي ظلم جاري آهي، تازين حملن ۾ 68 وڌيڪ فلسطيني شهيد ٿي ويا آهن.
عرب ميڊيا موجب، آچر تي اسرائيل اتر غزه جي جباليا علائقي ۾ هڪ پناهگير اسڪول تي بمباري ڪئي.
ان کان علاوه، غزه ۾ امداد جي انتظار ۾ فلسطينين تي به حملو ڪيو ويو. آچر تي اسرائيلي حملي ۾ ڪل 68 فلسطيني شهيد ٿيا.
ٻئي طرف، ايران سان جنگ بندي کان پوءِ غزه ۾ هڪ وڏي آپريشن جي تياري ڪندڙ اسرائيلي فوج، اتر غزه ۾ گنجان آباد علائقن مان فوري طور تي انخلا جو حڪم ڏنو.
آچر تي اسرائيلي فوج جي ترجمان پاران جاري ڪيل هڪ بيان ۾ چيو ويو آهي ته اوڀر زيتون، تفاح، دراج، صابره، جباليا البلاد، جباليا ڪئمپ ۽ تل الزاطار سميت ڪل 17 علائقن جي رهواسين کي فوري طور تي ڏکڻ المواسي ڪئمپ ڏانهن منتقل ٿيڻ جو حڪم ڏنو ويو آهي.
اسرائيلي فوج عوام کي خبردار ڪيو آهي ته فوجي آپريشن وڌيڪ تيز ٿيندا، ۽ جيڪڏهن انهن علائقن کي فوري طور تي نه خالي ڪيو ويو ته هتي جي رهواسين کي سنگين نتيجن کي منهن ڏيڻو پوندو.
اسرائيلي فوج اهو به اشارو ڏنو آهي ته هو اتر غزه ۾ پنهنجو آپريشن مڪمل ڪرڻ کان پوءِ مرڪزي علائقن تائين پنهنجي آپريشن کي وڌائيندي.
ياد رهي ته 7 آڪٽوبر 2023 کان وٺي، اسرائيلي فوج غزه تي پنهنجا بي رحم حملا جاري رکيا آهن، جن ۾ هاڻي تائين 56,000 کان وڌيڪ فلسطيني شهيد ٿي چڪا آهن، جن ۾ عورتون ۽ ٻار به شامل آهن.
0 تبصرے
Do not use vulgar language