اسلام آباد:(آچر 29 جون 2025ع)آئل اينڊ گئس ريگيوليٽري اٿارٽي (اوگرا) گئس جي قيمتن ۾ واڌ جو نوٽيفڪيشن جاري ڪري ڇڏيو آهي، گئس جون نيون قيمتون پهرين جولاءِ 2025 کان لاڳو ٿينديون.
اوگرا جي ترجمان موجب، گئس جي قيمتن ۾ واڌ گهريلو صارفين تي لاڳو نه ٿيندي، گهريلو صارفين لاءِ صرف ماهوار مقرر چارجز ۾ واڌ ڪئي وئي آهي.
نوٽيفڪيشن موجب، محفوظ صارفين لاءِ گئس جا مقرر چارجز 400 رپين کان وڌائي 600 رپيا ڪيا ويا آهن، جڏهن ته غير محفوظ صارفين لاءِ مقرر چارجز 1000 رپين کان وڌائي 1500 رپيا ڪيا ويا آهن.
نوٽيفڪيشن موجب، جيڪڏهن ماهوار گئس جو استعمال 15 ڪيوبڪ ميٽر کان وڌيڪ ٿئي ٿو، ته مقرر چارجز 1000 رپين کان وڌائي 3000 رپيا ڪيا ويا آهن.
ترجمان موجب، روٽي تندور، ڪمرشل، جنرل انڊسٽري، سي اين جي سيڪٽر، سيمينٽ ۽ ڀاڻ جي شعبن لاءِ گئس جي قيمتن ۾ ڪا به تبديلي نه ڪئي وئي آهي.
اوگرا جي ترجمان چيو ته بلڪ صارفين، پاور سيڪٽر ۽ صنعت لاءِ گئس جي قيمتن ۾ واڌ ڪئي وئي آهي، جڏهن ته گهريلو گئس جي صارفين لاءِ مقرر چارجز ۾ واڌ ٿيندي.
اوگرا جي نوٽيفڪيشن موجب، پاور پلانٽس لاءِ گئس جي قيمت ۾ 16.66 سيڪڙو گهٽتائي ڪئي وئي آهي.
پاور پلانٽس لاءِ گئس جي قيمت 175 رپيا في ايم ايم بي ٽي يو جي واڌ کان پوءِ 1225 رپيا في ايم ايم بي ٽي يو مقرر ڪئي وئي آهي.
عام صنعت لاءِ گئس جي قيمت 150 رپيا في ايم ايم بي ٽي يو جي واڌ کان پوءِ 2300 رپيا في ايم ايم بي ٽي يو مقرر ڪئي وئي آهي.
نوٽيفڪيشن موجب، ڪيپٽو پاور پلانٽس لاءِ گئس جي قيمت 3500 رپيا في ايم ايم بي ٽي يو مقرر ڪئي وئي آهي.
0 تبصرے
Do not use vulgar language