راولپنڊي:(اربع 04 جون 2025ع)اتر وزيرستان ۾ سيڪيورٽي فورسز جي ڪارروائي ۾ 14 خوارج مارجي ويا.
انٽر سروسز پبلڪ رليشنز (آءِ ايس پي آر) موجب، سيڪيورٽي فورسز فتنه الخوارج سان تعلق رکندڙ خوارج جي موجودگي جي اطلاع تي اتر وزيرستان ضلعي جي دته خيل علائقي ۾ انٽيليجنس تي ٻڌل آپريشن ڪيو.
آءِ ايس پي آر چيو ته فورسز ۽ خوارج جي وچ ۾ سخت فائرنگ جي تبادلي کانپوءِ 14 خوارج مارجي ويا.
آءِ ايس پي آر موجب، هندستاني سرپرستي هيٺ ڪم ڪندڙ خوارج جي لڪيل جاءِ کي مؤثر طريقي سان نشانو بڻايو ويو، ۽ علائقي مان وڌيڪ هندستاني سرپرستي ڪيل خوارج کي ختم ڪرڻ لاءِ ڪليئرنس آپريشن جاري آهي.
آءِ ايس پي آر چيو ته سيڪيورٽي فورسز ملڪ مان هندستاني سرپرستي ڪيل دهشتگردي کي ختم ڪرڻ لاءِ پرعزم آهن.
0 تبصرے
Do not use vulgar language