هنگري ۾ هڪ شخص دنيا جي سڀ کان وڏي ڪرپي کي پڪڙڻ جو رڪارڊ قائم ڪري ورتو

ھنگري:(آچر 11 مئي 2025ع)يورپي ملڪ هنگري ۾ هڪ شخص دنيا جو سڀ کان وڏو ڪرپي پڪڙي ورتو. پرڏيهي ميڊيا موجب، 53 سالن جي بروڪر ڊيوڊ ناڪ هنگري ۾ دنيا جي سڀ کان وڏي ڪرپي کي پڪڙي رڪارڊ قائم ڪيو. ميڊيا رپورٽن مان ظاهر ٿئي ٿو ته ڊيوڊ ناڪ پنهنجي دوست سان گڏ موڪلن تي هنگري ويو هو، جتي هن مغربي هنگري ۾ ڍنڍ بالاٽن ۾ يورو ايڪوا فشريز ۾ مڇي ماري. ڊيوڊ نڪ چيو ته هن 105 پائونڊ (47.8 ڪلوگرام) وزني هڪ وڏي ڪرپي پڪڙي، جنهن کي مٿاڇري تي آڻڻ ۾ کيس لڳ ڀڳ 20 منٽ لڳا. هن وڌيڪ چيو ته کيس يقين نه ٿو اچي ته هن دنيا جي سڀ کان وڏي مڇي پڪڙي عالمي رڪارڊ قائم ڪيو آهي، جنهن کان پوءِ مڇي کي واپس پاڻي ۾ ڇڏيو ويو.