اسلام آباد:(اڱارو 06 مئي 2025ع)جمعيت علماءِ اسلام (جي يو آءِ) جي سربراهه مولانا فضل الرحمان مخالف ڌر جي گرينڊ الائنس ۾ شامل ٿيڻ کان انڪار ڪري ڇڏيو آهي.
جيو نيوز سان ڳالهائيندي پي ٽي آءِ جي مرڪزي اطلاعات سيڪريٽري شيخ وقاص اڪرم چيو ته مولانا فضل الرحمان کي مقامي سياست بابت ڪجهه خدشا هئا. پي ٽي آءِ جي باني جي هدايتن تي، مولانا فضل الرحمان کي به سندس خدشن کي دور ڪرڻ جو يقين ڏياريو ويو.
شيخ وقاص اڪرم موجب، مولانا فضل الرحمان پهريان پارٽي سان صلاح مشوري لاءِ وقت گهريو ۽ پوءِ انڪار ڪيو.
شيخ وقاص اڪرم چيو ته جڏهن چونڊ اتحاد ٺهندا آهن ته ڪجهه حاصل ٿيندو آهي.
هن وڌيڪ چيو ته باني پي ٽي آءِ جو معدنيات بل بابت بيان آيو آهي. سڀ کان پهريان، وڏو وزير علي امين گنڊاپور باني پي ٽي آءِ کي معدنيات بل تي بريفنگ ڏيندو. جيڪڏهن باني پي ٽي آءِ حق ۾ آهي ته بل منظور ڪيو ويندو، ٻي صورت ۾ اهو منظور نه ٿيندو. پارٽي ۾ معدنيات بل جي حوالي سان ڪا به ورهاست ناهي.
0 تبصرے
Do not use vulgar language