دوحا:(آچر 18 مئي 2025ع)حماس چيو آهي ته دوحا ۾ جنگ بندي جي ڳالهين ۾ 'ناقابل قبول' تجويزون شامل آهن.
مزاحمتي تنظيم حماس جي هڪ سينئر اڳواڻ اسامه حمدان جو چوڻ آهي ته قطر ۾ جنگ بندي جي ڳالهين دوران ڪجهه "ناقابل قبول" تجويزون پيش ڪيون ويون آهن.
حمدان ايران جي نيم سرڪاري تسنيم نيوز ايجنسي کي ٻڌايو ته، "اسان اڃا تائين ڳالهيون ڪري رهيا آهيون ۽ اهڙا خيال پيش ڪيا پيا وڃن جيڪي اسان لاءِ ناقابل قبول آهن، جڏهن ته اسان پنهنجون تجويزون پڻ پيش ڪري رهيا آهيون."
هن وڌيڪ چيو ته ڪو به آخري معاهدو نه ٿيو آهي.
اڳواڻ چيو ته گذريل هفتي هڪ آمريڪي-اسرائيلي قيدي جي آزادي حماس پاران جنگ بندي جي قيام کي تيز ڪرڻ جي هڪ شروعات هئي.
حمدان وڌيڪ چيو ته فلسطيني عوام فيصلو ڪندا ته انهن جا اڳواڻ ڪير هوندا ۽ ان کي حاصل ڪرڻ جو واحد طريقو چونڊن ذريعي آهي.
0 تبصرے
Do not use vulgar language