لنڊن:(آچر 20 اپريل 2025ع)پي ٽي آءِ اڳواڻ شعيب شاهين هڪ ڀيرو ٻيهر فواد چوڌري تي تنقيد ڪندي چيو ته فواد چوڌري هڪ ٽائوٽ آهي جيڪو پارٽي ۾ ورهاست پيدا ڪري رهيو آهي.
لنڊن ۾ ميڊيا سان ڳالهائيندي شعيب شاهين الزام لڳايو ته فواد چوڌري هڪ ٽائوٽ آهي جيڪو پارٽي ۾ ورهاست پيدا ڪري رهيو آهي، جڏهن ته فيصل چوڌري کي باني پي ٽي آءِ ڪوڙ ڳالهائڻ تي پارٽي مان ڪڍي ڇڏيو هو.
شعيب شاهين چيو ته جيڪي ماڻهو پارٽي جي اندروني معاملن ۾ خلل وجهي رهيا آهن انهن کي بي نقاب ڪيو وڃي، هن وڌيڪ چيو ته اهي پي ٽي آءِ جي اصولن تي سمجهوتو نٿا ڪن.
هڪ سوال جي جواب ۾ شعيب شاهين چيو ته سندس خلاف قتل، ڦر ۽ دهشتگردي جا 20 ايف آءِ آر داخل ڪيا ويا آهن.
ياد رهي ته شعيب شاهين ۽ فواد چوڌري اڳ ۾ به هڪ ٻئي تي سنگين الزام لڳائي چڪا آهن، جڏهن ته ٻنهي اڳواڻن جي وچ ۾ جهيڙي جا واقعا پڻ رپورٽ ٿيا آهن.
0 تبصرے
Do not use vulgar language