مڌيا پرديش: (جمعو 07 مارچ 2025ع)ويرولف سنڊروم نالي بيماري ۾ مبتلا هڪ هندستاني نوجوان جو چهرو وارن سان ڀريل آهي، جنهن منهن جي وارن لاءِ گنيز ورلڊ رڪارڊ قائم ڪيو آهي.
هندستاني رياست مڌيا پرديش جو هڪ 18 سالن جو نوجوان هن وقت سڀ کان وڌيڪ چهري جي وارن وارو ماڻهو آهي ۽ هن چهري جي وارن لاءِ گنيز ورلڊ رڪارڊ قائم ڪيو آهي. لليت پاٽيدار هائپر ٽرائڪوسس نالي هڪ ناياب بيماري ۾ مبتلا آهي.
للت جنهن عجيب بيماري ۾ مبتلا آهي ان کي 'ويرولف سنڊروم' به چيو ويندو آهي. دنيا ۾ صرف 50 ڪيس رپورٽ ٿيا آهن جن ۾ مرد هن بيماري جو شڪار آهن.
هن بيماري جي ڪري چهري تي غير معمولي مقدار ۾ وار اُڀرن ٿا. گينيس ورلڊ ريڪارڊ موجب، لليت پاٽيدار جا هر چورس سينٽي ميٽر ۾ 201.72 وار آهن، جيڪي سندس چهري جو 95 سيڪڙو حصو ڍڪيندا آهن.
جڏهن ته، للت، جنهن هي ناقابل يقين رڪارڊ حاصل ڪيو، ڪيترن ئي مشڪلاتن کي منهن ڏنو، اڪثر ڪري اجنبي ۽ هم جماعتن کان پنهنجي ظاهر بابت ڏکوئيندڙ تبصرن کي منهن ڏيڻو پيو.
نوجوان لليت گنيز ورلڊ ريڪارڊ کي ٻڌايو ته ماڻهو مون کان ڊڄندا هئا، پر جڏهن اهي مون کي سڃاڻڻ ۽ مون سان ڳالهائڻ شروع ڪيو، ته انهن کي احساس ٿيو ته مان انهن کان مختلف نه آهيان.
هن چيو ته مان صرف ٻاهران عام ماڻهن کان مختلف نظر ايندو هوس، پر اندران مختلف نه آهيان.
0 تبصرے
Do not use vulgar language