غزہ: (اربع 26 مارچ 2025ع)غزه تي اسرائيل جا وحشياڻا حملا جاري آهن، جنهن جي نتيجي ۾ 30 کان وڌيڪ فلسطيني قتل ٿي ويا آهن، جن ۾ 7 ٻار به شامل آهن.
تنظيم سيو دي چلڊرن موجب، اسرائيلي بمباري سبب هڪ هفتي ۾ 270 ٻار شهيد ٿيا، جڏهن ته تازن حملن ۾ 7 ٻارن سميت 30 کان وڌيڪ فلسطيني قتل ٿيا.
اسرائيلي فوج فلسطينين کي جباليا علائقو خالي ڪرڻ جو حڪم ڏنو، جنهن کان پوءِ هزارين تباهه ٿيل فلسطيني هڪ ڀيرو ٻيهر بي گهر ٿي ويا.
ان دوران، حماس عالمي برادري کان اسرائيلي جارحيت کي روڪڻ ۽ دنيا ۾ احتجاج ڪرڻ جو مطالبو ڪيو آهي.
ٻئي طرف، اسرائيلي پارليامينٽ جي اندر ۽ ٻاهر نيتن ياهو حڪومت خلاف احتجاج ڪيا ويا ۽ يرغمالين جي آزادي جا مطالبا ڪيا ويا.
ياد رهي ته 7 آڪٽوبر 2023 کان غزه ۾ اسرائيلي جارحيت جي نتيجي ۾ مارجي ويل فلسطينين جو انگ 50 هزار کان وڌي ويو آهي.
0 تبصرے
Do not use vulgar language