ڊونلڊ ٽرمپ يوڪريني صدر کي غير مقبول قرار ڏئي ڇڏيو

فلوريڊا: (اربع 19 فيبروري 2025ع)آمريڪي صدر ڊونلڊ ٽرمپ يوڪريني صدر وولوديمير زيلنسڪي کي دنيا جو سڀ کان وڌيڪ غير مقبول شخص قرار ڏنو آهي. هڪ بين الاقوامي نيوز ايجنسي جي رپورٽ موجب، آمريڪي صدر ڊونلڊ ٽرمپ فلوريڊا ۾ ميڊيا سان ڳالهائيندي چيو ته يوڪريني صدر زيلنسڪي جي مقبوليت 4 سيڪڙو کان به گهٽ آهي. هن چيو ته يوڪرين ۾ چونڊون روس جو مطالبو ناهي، ۽ ڪجهه ملڪ چونڊن جي نه ٿيڻ تي پريشان آهن. ٻئي طرف، يوڪريني صدر زيلنسڪي چيو آهي ته يوڪرين ۾ جنگ بابت ڪو به روسي الٽيميٽم قبول نه ڪيو ويندو. ڪيف پنهنجي شموليت کان سواءِ ڪنهن به جنگ بندي معاهدي تي دستخط ڪرڻ کان انڪار ڪندو. ياد رهي ته يوڪريني صدر رياض ۾ جنگ بندي لاءِ روس-آمريڪا ڳالهين کي رد ڪري ڇڏيو هو. هن سعودي عرب جو دورو ملتوي ڪري ڇڏيو آهي، جتي آمريڪا ۽ روس جا پرڏيهي وزير، اعليٰ سطحي سفارتي وفدن سان گڏ، يوڪرين ۾ جنگ ختم ڪرڻ لاءِ ڳالهيون ڪري رهيا آهن. ٽرمپ انتظاميا 20 اميگريشن ججن کي برطرف ڪري ڇڏيو انقره ۾ ڳالهائيندي، زيلنسڪي چيو ته رياض کي ڳالهين ۾ دعوت نه ڏني وئي هئي، ۽ جنگ کي ڪيئن ختم ڪجي اهو فيصلو يوڪرين کان سواءِ نٿو ٿي سگهي.