حسينه واجد جو پهريون بيان سامهون اچي ويو

نئين دھلي:(اڱارو 13 آگسٽ 2024ع)بنگلاديش جي اڳوڻي وزيراعظم ۽ عوامي ليگ جي سربراهه حسينه واجد جو ساڍا 15 سالن جي حڪومت جي خاتمي ۽ ڀارت فرار ٿيڻ کانپوءِ پهريون بيان سامهون آيو آهي. حسينه واجد جي پٽ ساجيب واجد پنهنجي ايڪس اڪائونٽ تي ماءُ جو پيغام شيئر ڪيو آهي. بنگلاديشي عوام لاءِ پنهنجي پيغام ۾ حسينه واجد چيو ته جولاءِ کان وٺي احتجاج جي نالي تي بدامني، باهه ۽ تشدد سبب ڪيتريون ئي قيمتي جانيون ضايع ٿيون آهن حسينه واجد مطالبو ڪيو ته تازو قتل ۽ فسادن ۾ ملوث ماڻهن جي نشاندهي ڪري مناسب جاچ ڪري کين سزا ڏني وڃي. حسينه واجد پنهنجي پيغام ۾ بنگلاديشي عوام کي 15 آگسٽ تي سوگ جي ڏينهن طور ملهائڻ جي درخواست ڪئي. واضح رهي ته بنگلاديش ۾ 15 آگسٽ 1975ع تي شيخ مجيب الرحمان جي قتل تي هر سال 15 آگسٽ تي سوگ جو ڏينهن ملهايو ويندو آهي ۽ ان ڏينهن تي عام موڪل هوندي آهي پر هن ڀيري بنگلاديش جي عبوري حڪومت سوگ جو اعلان ڪيو آهي. 15 آگسٽ جي موڪل جو اختتام آهي ٻئي طرف شيخ حسينه واجد ۽ ان وقت جي اهم سرڪاري آفيسرن خلاف به شهري کي قتل ڪرڻ جو ڪيس داخل ڪيو ويو آهي. بنگلاديشي ميڊيا موجب 19 جولاءِ تي ڍاڪا ۾ احتجاج دوران پوليس جي فائرنگ ۾ شهري جي مارجڻ واري ڪيس ۾ شيخ حسينه واجد ۽ ٻين 6 ڄڻن کي نامزد ڪيو ويو آهي. رپورٽن مطابق شيخ حسينا ۽ ٻين خلاف ڪيس ڍاڪا جي رهواسي امير حمزه ۽ مقتول جي ويجهي مائٽ طرفان داخل ڪرايو ويو آهي. ڪيس جي متن ۾ چيو ويو آهي ته شاگردن جي احتجاج دوران پوليس فائرنگ ڪئي ۽ گولي لڳڻ سبب شهري ابو سعيد گهٽي پار ڪري رهيو هو. بنگلاديشي ميڊيا موجب ڪيس ۾ حسينه واجد کان علاوه عوامي ليگ جي جنرل سيڪريٽري، اڳوڻو گهرو وزير، اڳوڻو پوليس سربراهه، جاچ اداري جو اڳوڻو سربراهه ۽ نامعلوم پوليس اهلڪارن کي نامزد ڪيو ويو آهي. گذريل ڏينهن بنگلاديش ۾ ڇا ٿيو؟ ياد رهي ته شاگردن جي احتجاج ۽ 300 کان وڌيڪ ماڻهن جي مارجڻ کانپوءِ بنگلاديش جي اڳوڻي وزيراعظم شيخ حسينه واجد ملڪ مان استعيفيٰ ڏئي ڇڏي هئي ۽ 5 آگسٽ تي ڀارت هلي وئي هئي. شيخ حسينه واجد جي ڀارت فرار ٿيڻ کانپوءِ آرمي چيف ملڪ جي باني سنڀالي ورتي ۽ نوبل انعام يافته ڊاڪٽر محمد يونس کي عبوري حڪومت جو سربراهه بڻايو ويو آهي.