پاڪستان ۾ افغانستان مان آندل پرڏيهي هٿيارن جا وڌيڪ ثبوت سامهون اچي ويا

ـ راولپنڊي: (آچر 31 ڊسمبر 2023ع)پاڪستان جي سرزمين تي افغانستان مان لڏي آيل پرڏيهي هٿيارن جي استعمال جا وڌيڪ ثبوت سامهون آيا آهن. تفصيل موجب پاڪ فوج گذريل 2 ڏهاڪن کان پابندي مڙهيل تحريڪ طالبان پاڪستان خلاف دهشتگردي جي جنگ وڙهي رهي آهي ۽ پابندي مڙهيل تحريڪ طالبان پاڪستان جي دهشتگردن وٽ آمريڪا طرفان افغانستان ۾ ڇڏيل هٿيارن تائين پهچ آهي، جنهن ڪري سيڪيورٽي کي سخت نقصان پهتو آهي. علائقو پابندي مڙهيل تحريڪ طالبان پاڪستان کي هٿيارن جي فراهمي سبب پاڪستان ۾ دهشتگرديءَ ۾ اضافو ٿيو، 29 ڊسمبر تي مير علي ۾ دهشتگردن خلاف ڳجهي اطلاع تي آپريشن ڪيو ويو. ان ڪارروائي ۾ دهشتگرد ڪمانڊر رحزيب کهڙي سميت 5 دهشتگرد مارجي ويا، دهشتگردن وٽان پرڏيهي هٿيار، ايم فور ڪاربن، اي ڪي 47 ۽ بارود هٿ ڪيو ويو. بلوچ لبريشن آرمي فيبروري 2022 ۾ نوشڪي ۽ پنجگور ضلعن ۾ ايف سي جي ڪيمپن تي ساڳئي هٿيارن سان حملا ڪيا. ميانوالي ايئر بيس تي حملي ۾ دهشتگردن وٽان هٿ آيل هٿيار غير ملڪي هئا، ڊي آءِ خان ۾ دربان، دهشتگردن وٽ ٽئنڪ ۾ به جديد پرڏيهي هٿيار هئا.