توانائي وارو وفاقي وزير خرم دستگير خان چئن ڏينهن جي دوري تي تهران پهچي ويو

تھران : آچر 19 جون 2022ع : توانائي وارو وفاقي وزير خرم دستگير خان چئن ڏينهن جي دوري تي تهران پهچي ويو. ايئرپورٽ تي ايران جي نائب وزير بين الاقوامي توانائي سندس استقبال ڪيو. وفاقي وزير خرم دستگير پاڪستان ۾ توانائي جي ضرورتن کي نظر ۾ رکندي ايراني اختيارين سان بجلي جي درآمد تي ڳالهه ٻولهه ڪندو. واضح رهي ته پاڪستان پنهنجي بجلي جي ضرورت پوري ڪرڻ لاءِ پاڙيسري ايران کان بجلي خريد ڪرڻ جو فيصلو ڪيو هو. پاڪستان تازو ئي بلوچستان کي فراهم ڪيل 104 ميگاواٽ بجلي جي برآمد ۾ 100 ميگاواٽ اضافي جي درخواست ڪئي هئي.

Federal Minister for power Engr Khurram Dastgir Khan reached Tehran on a 4 day visit to discuss the import of electricity from Iran.Mohammad Ali Farahnakian, Deputy Minister of energy for International Affairs received him. @PakinIran @kdastgirkhan pic.twitter.com/7KP1Qzod0L

— Ministry of Energy (@MoWP15) June 19, 2022

پرڏيهي وزير بلاول ڀٽو زرداري جي ايران جي تازي دوري جي موقعي تي ٻنهي ملڪن جي پرڏيهي وزيرن گوادر لاءِ 100 ميگاواٽ بجلي تي اتفاق ڪيو هو، جنهن لاءِ توانائي وارو وزير خرم دستگير ايراني اختيارين سان ڳالهيون ڪندو. ياد رهي ته ايران جو پاور جنريشن سسٽم ستن پاڙيسري ملڪن سان ڳنڍيل آهي، جن ۾ افغانستان، پاڪستان، عراق، ترڪي، آذربائيجان ۽ ترڪمانستان شامل آهن. خرم دستگیر