ڀارت: اڏام دوران مسافر جهاز ۾ باهه لڳي وئي، ايمرجنسي لينڊنگ

پٽنا: آچر 19 جون 2022ع : ڀارت ۾ اڏام دوران مسافر جهاز کي باهه لڳي وئي، جنهن تي پائليٽ کي هنگامي لينڊنگ ڪرڻي پئي. تفصيل موجب پٽنا ايئرپورٽ اختيارين آچر تي ٻڌايو ته اسپائس جيٽ ايئر لائنز جي جهاز جي اڏام دوران باهه لڳي وئي، جنهن سبب جهاز کي بهار رياست جي شهر پٽنا ۾ هنگامي لينڊنگ ڪئي وئي. اختيارين موجب اسپائس جيٽ جي اڏام دهليءَ لاءِ پٽنا ايئرپورٽ تان روانو ٿي پر جلد ئي ان جي انجڻ ۾ باهه لڳي وئي، جنهن ڪري ان کي واپس ايئرپورٽ تي لينڊ ڪرڻ تي مجبور ڪيو ويو.

ايمرجنسي لينڊنگ کانپوءِ مسافرن کي ٻاهر ڪڍيو پيو وڃي ميڊيا رپورٽن موجب جهاز ۾ فني خرابي سبب باهه لڳي هئي، جڏهن ته جهاز محفوظ لينڊ ڪيو ۽ سمورا مسافر محفوظ رهيا، تباهه ٿيل جهاز ۾ 185 ڄڻا سوار هئا.

Baal Baal Bache : Fire in engine of Patna-Delhi #Spicejet SG723. Bird strike in engine overhead #Phulwari. #Patna pic.twitter.com/qoUs3WJ7P6

— Mumbai (@InfoMumbai) June 19, 2022

ڀارتي سول ايوي ايشن جو چوڻ آهي ته حادثو جهاز سان پکيءَ جي ٽڪر سبب پيش آيو، جنهن بعد انجڻ کي بند ڪيو ويو.

#WATCH Patna-Delhi SpiceJet flight safely lands at Patna airport after catching fire mid-air, all 185 passengers safe#Bihar pic.twitter.com/vpnoXXxv3m

— ANI (@ANI) June 19, 2022

ايئر لائن اسپائس جيٽ جي ترجمان هڪ بيان ۾ چيو ته فضا ۾ اڏامڻ کانپوءِ ڪاڪ پٽ جي عملدار کي شڪ ٿيو ته پکي انجڻ نمبر ون سان ٽڪرائجي ويو آهي، جنهن تي فلائيٽ ڪيپٽن احتياطي طور تي انجڻ بند ڪري جهاز کي واپس روانو ڪيو. اڏام کانپوءِ معائني ۾ پڌرو ٿيو ته پکين جي ٽڪر سبب 3 پکين جا بلڊ خراب ٿيا.