ميڪسيڪو:(ڇنڇر 09 آگسٽ 2025ع)ميڪسيڪو جي صدر ڪلاڊيا شينبام صدر ڊونلڊ ٽرمپ جي پنهنجي ملڪ ۾ منشيات جي خلاف جنگ لاءِ آمريڪي فوجي قوتن کي استعمال ڪرڻ جي تجويز کي رد ڪري ڇڏيو آهي.
آمريڪي ميڊيا موجب، صدر ڊونلڊ ٽرمپ پينٽاگون کي هدايت ڪئي هئي ته ميڪسيڪو ۾ منشيات جي ڪارٽلن خلاف ڪارروائي ڪئي وڃي.
بهرحال، هاڻي ميڪسيڪو جي صدر ڪلاڊيا شينبام جو هڪ بيان سامهون آيو آهي، جنهن ۾ هن پنهنجي ملڪ ۾ آمريڪي فوجي قوتن جي استعمال کي رد ڪيو ۽ چيو ته آمريڪي فوجن جو ميڪسيڪو ۾ استقبال نه ڪيو ويندو.
صدر ڪلاڊيا شينبام چيو ته آمريڪا فوج سان ميڪسيڪو ۾ نه ايندو، اسان تعاون ڪريون ٿا پر اهڙي مداخلت نه ٿيڻ گهرجي، اهو مڪمل طور تي رد ڪيو ويو آهي، اهو ڪنهن به معاهدي جو حصو ناهي.
ميڪسيڪو جي صدر جو چوڻ آهي ته جڏهن به هي مسئلو اٿاريو ويو، اسان هميشه انڪار ڪيو آهي ۽ اسان جو موقف اڃا تائين ساڳيو آهي.
ميڪسيڪو جي پرڏيهي معاملن واري وزارت پڻ چوي ٿي ته هو پنهنجي علائقي تي آمريڪي فوجي ڪارروائي قبول نه ڪندو، منشيات جي ڪارٽلن سان منهن ڏيڻ لاءِ آمريڪي فوجي قوتن جي پنهنجي علائقي تي تعیناتي قابل قبول ناهي.
ياد رکڻ گهرجي ته گذريل ڪيترن ئي مهينن کان، ميڪسيڪو اختيارين پنهنجي علائقي ۾ منشيات جي ڪارٽلن خلاف آمريڪي فوجي ڪارروائي جي تجويزن کي رد ڪري رهيا آهن.
0 تبصرے
Do not use vulgar language