ممبئي:(سومر11 آگسٽ 2025ع)عورت سان زيادتي جي الزامن کانپوءِ ڀارتي ڪرڪيٽر يش ديال تي ليگ ۾ کيڏڻ تي پابندي لڳائي وئي آهي.
ڀارتي ميڊيا موجب فاسٽ بالر يش ديال تي ليگ ۾ کيڏڻ تي پابندي لڳائي وئي آهي. يش يوپي (اتر پرديش) ٽي 20 ليگ جي ٽئين ايڊيشن جو حصو نه هوندو. هن جو گورکھپور لائنز سان معاهدو هو.
ڀارتي ميڊيا جي رپورٽن موجب ليگ 17 آگسٽ کان شيڊول آهي، پر عورت سان زيادتي جي الزامن جي ڪري فاسٽ بالر يش ديال ايڪشن ۾ نظر نه ايندو.
اتر پرديش ڪرڪيٽ ايسوسيئيشن ڀارتي ڪرڪيٽر تي ليگ ۾ کيڏڻ تي پابندي لڳائي ڇڏي آهي.
اهو ياد رکڻ گهرجي ته يش ديال رائل چئلينجرز بنگلور جو حصو هو، جنهن هن سال آئي پي ايل کٽيو هو. عورت جي الزامن کان پوءِ يش خلاف ڪيس داخل ڪيو ويو آهي. جئيپور ۾ به سندس خلاف ڪيس داخل ڪيو ويو آهي.
0 تبصرے
Do not use vulgar language