ڪراچي:(جمعو 15 آگسٽ 2025ع)تنوير احمد جي اڳواڻي ۾ آمريڪي واپارين جي هڪ وفد گورنر سنڌ ڪامران خان ٽيسوري سان ملاقات ڪئي.
گورنر سنڌ ڪامران ٽيسوري سان ملاقات ڪندڙ وفد ۾ ڊاڪٽر آصف قادر، طاهر ڀٽي ۽ شوڪت مريديا شامل هئا. وفد پرڏيهي سيڙپڪاري جي فروغ ۽ باهمي تعاون تي تفصيلي ڳالهه ٻولهه ڪئي.
ڪامران ٽيسوري چيو ته سنڌ ۾ سيڙپڪاري جا وسيع موقعا آهن، حڪومت سيڙپڪارن کي هر ممڪن سهولتون فراهم ڪري رهي آهي. پرڏيهي سيڙپڪارن کي تيز ۽ اثرائتي مدد فراهم ڪئي پئي وڃي.
گورنر سنڌ چيو ته تنوير احمد نسٽ کي 9 ملين ڊالر عطيو ڪري پاڪستاني نوجوانن کي جديد آئي ٽي تعليم فراهم ڪرڻ ۾ اهم ڪردار ادا ڪيو آهي ۽ هو ٻين فلاحي ڪمن ۾ پڻ سرگرم حصو وٺندو آهي.
آمريڪي وفد 14 آگسٽ تي قائداعظم محمد علي جناح جي مزار جو دورو پڻ ڪيو، گلن جي چادر چاڙهي ۽ فاتحه خواني ڪئي.
واضح رهي ته آمريڪي پاڪستانين جي هن وفد آمريڪي رياست ٽيڪساس ۾ قائداعظم لائبريري پڻ قائم ڪئي آهي، جنهن ۾ قائداعظم جي زندگي ۽ تعليمات سان لاڳاپيل ناياب شيون موجود آهن.
0 تبصرے
Do not use vulgar language