ڏهرڪي: نينگري سائره سومرو مبينا اغوا ڪيس، رمانڊ ختم، ڀرچونڊي پير جيل حوالي

ڏھرڪي:(خميس 28 آگسٽ 2025ع)ٽي سال اڳ ميان سميع محلي مان ڀرچونڊي پيرن جي پناهه ۾ ويٺل فتاح سومرو جي 13 سالن جي ڌيءَ سائره سومرو مبينا اغوا ٿي ويئي، جنهن جو ڪيس به نامعلوم ماڻهن تي داخل ڪيو ويو هيو، هڪ مهينو اڳ عدالت پاران جاچ پوليس کان ڪيس بابت سخت پڇاڻو ڪيو ويو ته سائره ڪاٿي آهي، جنهن بعد جاچ پوليس ڪيس ۾ اڳڀرائي ڪندي جاچ شروع ڪري ڇڏي، جاچ دوران پوليس 6 ڀرڇونڊي پيرن جا نالا ڪيس ۾ کولي ڇڏيا، جن مان ميان محمد علي، ميان ارسلان ۽ ميان سهيل کي ڏهرڪي پوليس گرفتار ڪري ريمانڊ وٺي ڇڏيو هيو، پوليس جو چوڻ آھي ته نينگري جي والدين اهڙا بيان ڏنا، جنهن بعد ڀرچونڊي پيرن جا نالا ڪيس ۾ کوليا آھن، گذريل ڏينهن ڪيس جي ٻڌڻي ٿي گذري، ايس ايس پي انور کيتراڻ عدالت پهتو، عدالت پاران ايس ايس پي کان سخت پڇاڻو ڪيو ويو ته نينگري کي بازياب ڇو نه ٿا ڪرايو، جڏهن ته ايس ايس پي عدالت کان مهلت گهري، ان تي عدلت ٻي ٻڌڻي 10 سيپٽمبر تي رکي مهلت ڏيئي ڇڏي، هوڏانهن عدالت پاران گرفتار ٿيل ڀرچونڊي پيرن کي جيل موڪلي ڇڏي. ڀرچونڊي پير اسان جا جوابدار نه آهن: نينگري جا والدين ڏهرڪي: نينگري جي پيءُ فتاح سومرو ۽ ماءُ حسينه جو چوڻ آھي ته ڀرچونڊي پير اسان جا جوابدار ناهن، پوليس ٽن سالن تائين ٺلها آسرا ڏيندي رهي آھي، هوڏانهن پوليس جو چوڻ آھي ته ڀرچونڊي پيرن جا نالا فريادي ۽ شاهدن جي بيان کانپوءِ کوليا آھن.