اسلام آباد:(خميس 21 آگسٽ 2025ع)پاڪ فوج جي ترجمان ليفٽيننٽ جنرل احمد شريف چوڌري چيو ته آرمي چيف برسلز ۾ معافي جي ڳالهه نه ڪئي، اهو واضح آهي ته 9 مئي تي ٿيندڙ واقعن کي انجام ڏيندڙن، ان جي سهولتڪارن ۽ منصوبابندي ڪندڙن کي قانون موجب جوابده قرار ڏنو وڃي.
وفاقي راڄڌاني ۾ منعقد هڪ تقريب کي خطاب ڪرڻ کان پوءِ ميڊيا سان ڳالهائيندي ڊي جي آءِ ايس پي آر ليفٽيننٽ جنرل احمد شريف چوڌري چيو ته آرمي چيف برسلز ۾ ڪنهن به سياست بابت ڳالهه نه ڪئي ۽ نه ئي آرمي چيف ڪنهن به معافي جو ذڪر ڪيو.
ڊي جي آءِ ايس پي آر چيو ته برسلز جي تقريب ۾ سوين ماڻهو موجود هئا، ۽ تقريب ۾ شرڪت ڪندڙ فيلڊ مارشل سان گڏ تصويرون ڪڍيون.
هن چيو ته فيلڊ مارشل پي ٽي آءِ بابت ڪا ڳالهه نه ڪئي، 9 مئي صرف فوج جو نه پر قوم جو معاملو آهي، اهو واضح آهي ته 9 مئي کي انجام ڏيندڙن، ان جي سهولتڪارن ۽ منصوبابندي ڪندڙن جو قانون موجب احتساب ٿيڻ گهرجي.
ياد رهي ته اڄ چيف جسٽس آف پاڪستان جي سربراهي ۾ سپريم ڪورٽ جي ٽي رڪني بينچ پي ٽي آءِ جي باني چيئرمين عمران خان کي 9 مئي جي 8 ڪيسن ۾ ضمانت ڏئي ڇڏي آهي.
0 تبصرے
Do not use vulgar language