وزيرآباد:(آچر 31 آگسٽ 2025ع)پنجاب جي وزير آباد جي ٻوڏ متاثر علائقي ۾، هڪ عورت جا ٽي نوان ڄاول ٻار بروقت طبي امداد نه ملڻ سبب فوت ٿي ويا.
ٻوڏ سبب وزير آباد ۾ زندگي سخت متاثر ٿي آهي، ۽ روڊ ٻوڏ جي پاڻي ۾ ٻڏي وڃڻ سبب آمد و رفت ۾ سخت خلل پيدا ٿيو آهي.
ريسڪيو عملدارن موجب، ٻوڏ جي پاڻي سبب بروقت طبي امداد نه ملڻ سبب هڪ عورت جا ٽي نوان ڄاول ٻار فوت ٿي ويا.
ريسڪيو عملدارن چيو ته فوت ٿيل ٻارن ۾ ٻه ڌيئرون ۽ هڪ پٽ شامل آهن.
ان موقعي تي متاثر عورت چيو ته مقامي اسپتال ٻوڏ جي پاڻي ۾ گھريل هو، جيڪڏهن بروقت طبي امداد ڏني وڃي ها ته ٻارن کي بچائي سگهجي ها.
ياد رهي ته عورت 28 آگسٽ تي نالا ڦلڪو جي ويجهو ڪار ۾ ٻارن کي جنم ڏنو هو.
ضلعي انتظاميا موجب، متاثر خاندان جي اطلاع تي بچاءُ ٽيم پهتي. جڏهن ٻار پيدا ٿيا ته ماءُ ۽ ٻار سٺي حالت ۾ هئا، ماءُ اسپتال وڃڻ کان انڪار ڪري ڇڏيو هو.
0 تبصرے
Do not use vulgar language