گلگت:(جمعو 29 آگسٽ 2025ع)گلگت ۾ جي بي اسڪائوٽس چيڪ پوسٽ تي نامعلوم شرپسندن حملو ڪيو، جنهن جي نتيجي ۾ ٻه سپاهي شهيد ۽ هڪ زخمي ٿي پيو.
گلگت بلتستان حڪومت جي ترجمان موجب، چلاس هودر جي سامهون گلگت بلتستان اسڪائوٽس چيڪ پوسٽ تي نامعلوم شرپسندن پاران حملو ڪيو ويو.
حملي ۾ هاڻي تائين ٻه جي بي اسڪائوٽس سپاهي شهيد ٿي چڪا آهن، جڏهن ته هڪ سپاهي اسپتال ۾ علاج هيٺ آهي.
حملي کان پوءِ علائقي ۾ سيڪيورٽي سخت ڪئي وئي آهي.
ترجمان موجب، سيڪيورٽي فورسز علائقي ۾ سرچ ۽ ٽارگيٽ آپريشن شروع ڪري ڇڏيو آهي.
0 تبصرے
Do not use vulgar language