استنبول:(اربع 02 جولاءِ 2025ع)ترڪي شامي فوج کي ڪوبرا ۽ ڪيڊيلڪ گيج ڪمانڊو آرمرڊ گاڏيون فراهم ڪيون آهن.
بين الاقوامي ميڊيا جي رپورٽن موجب، ترڪي پاران فراهم ڪيل آرمرڊ گاڏيون حلب ۾ 76 هين ڊويزن جي پاسنگ آئوٽ تقريب ۾ ڏيکاريون ويون.
ڪيڊيلڪ گيج ڪمانڊو گاڏيون عام طور تي اندروني سيڪيورٽي ۽ پوليسنگ لاءِ استعمال ٿينديون آهن. شامي حڪومت جو چوڻ آهي ته ترڪي سان ڳالهين ۾ فوجي تربيت ۽ تعاون جي نون شعبن تي غور ڪيو پيو وڃي.
ترڪ عملدارن اڳ ۾ ئي شامي فوج کي تربيت ۽ هٿيار ڏيڻ جي منصوبن جو اعلان ڪيو آهي. ترڪي شام جي هوائي حدون استعمال ڪرڻ ۽ هوائي اڏا قائم ڪرڻ جي آڇ ڪئي آهي.
نئين معاهدي تحت، ٻاهرين خطرن جي صورت ۾ ترڪي کي شام کي دفاعي مدد فراهم ڪرڻي پوندي. شامي حڪومت روسي فوجن جي جاءِ تي ترڪي جي فوجي موجودگي تي غور ڪري رهي آهي.
0 تبصرے
Do not use vulgar language