يورپ ۾ شديد گرمي جي لهر سبب ٻيلن ۾ باهه لڳي وئي

برسا:(سومر 28 جولاءِ 2025ع)يورپ ۾ سخت گرمي جي لهر ٻيلن ۾ باهه جو سبب بڻيل آهي. اتر اولهه ترڪي ۾ ٻيلن ۾ باهه چوٿين وڏي شهر کي خطرو بڻائي ڇڏيو آهي. باهه بورسا شهر جي ويجهو ٻيلن واري جبلن ۾ تيزي سان پکڙجڻ شروع ٿي. بورسا شهر ۽ گاديءَ واري هنڌ انقره کي ڳنڍيندڙ هاءِ وي بند ڪيو ويو. 1,700 کان وڌيڪ ماڻهن کي محفوظ هنڌن تي منتقل ڪيو ويو. 1,100 کان وڌيڪ فائر فائٽر آپريشن ۾ مصروف هئا. ترڪي ۾ هڪ مهيني کان ڪيترن ئي هنڌن تي ٻيلن ۾ باهه لڳي رهي آهي. حادثن ۾ 13 ماڻهو فوت ٿي چڪا آهن. يونان ۾ ٻيلن ۾ باهه ڪيميڪل فيڪٽرين تائين پهچي وئي، ۽ خوفناڪ ڌماڪا ٻڌا ويا. البانيا ۾ 26 هنڌن تي باهه تباهي مچائي ڇڏي، 2,000 کان وڌيڪ ماڻهن کي محفوظ هنڌن تي منتقل ڪيو ويو.