پاڪستان ۽ افغانستان جي وچ ۾ ترجيحي واپاري معاهدي تي صحيحون

اسلام آباد:(اربع 23 جولاءِ 2025ع)پاڪستان ۽ افغانستان سرڪاري طور تي هڪ ترجيحي واپاري معاهدي تي صحيحون ڪيون آهن. افغان سفارتخاني جي مطابق، صنعت ۽ واپار جي افغان نائب وزير ملا احمد الله زاهد ترجيحي واپاري معاهدي تي صحيحون ڪيون ۽ پاڪستان جي واپار جي سيڪريٽري جواد پال معاهدي تي صحيحون ڪيون. افغان سفارتخاني چيو ته معاهدي جي تحت، ٻنهي ملڪن جي 4 برآمدي شين تي ٽيڪس ۾ نمايان گهٽتائي ڪئي وئي، جنهن کان پوءِ انگور، انار، سيب ۽ ٽماٽن تي پاڪستاني درآمدي محصول 60 سيڪڙو کان گهٽائي 27 سيڪڙو ڪيو ويو، جڏهن ته پاڪستاني آم، ڪوئنو، ڪيلا ۽ آلو جي افغان درآمد تي محصول پڻ 27 سيڪڙو تائين محدود ڪيو ويو آهي. افغان سفارتخاني جو چوڻ آهي ته معاهدو 1 آگسٽ 2025 کان لاڳو ٿيندو ۽ هڪ سال لاءِ لاڳو رهندو. معاهدو قابل تجديد آهي ۽ مستقبل ۾ وڌيڪ شين کي شامل ڪرڻ جي اجازت ڏئي ٿو.