گرفتاري کان اڳ ضمانت جي درخواست رد ٿيڻ تي فوري گرفتاري ضروري آهي: سپريم ڪورٽ جو فيصلو

اسلام آباد:(ڇنڇر 26 جولاءِ 2025ع)سپريم ڪورٽ فيصلو ڏنو آهي ته گرفتاري کان اڳ ضمانت جي درخواست رد ٿيڻ کان پوءِ فوري گرفتاري ضروري آهي، ۽ صرف سپريم ڪورٽ ۾ درخواست داخل ڪرڻ سان گرفتاري روڪي نه ٿي سگهي چيف جسٽس آف پاڪستان يحيٰ آفريدي عدالتي حڪمن تي عمل نه ڪرڻ سان لاڳاپيل ڪيس ۾ فيصلو جاري ڪيو آهي. چيف جسٽس يحيٰ آفريدي 4 صفحن تي ٻڌل حڪم جاري ڪيو آهي جنهن ۾ اهو قرار ڏنو ويو آهي ته گرفتاري کان اڳ ضمانت جي درخواست رد ٿيڻ کان پوءِ فوري گرفتاري ضروري آهي، ۽ صرف سپريم ڪورٽ ۾ درخواست داخل ڪرڻ سان گرفتاري روڪي نه ٿي سگهي. فيصلي ۾ چيو ويو آهي ته عبوري تحفظ خودڪار ناهي، عدالت کان واضح اجازت حاصل ڪرڻ ضروري آهي. لاهور هاءِ ڪورٽ پاران جوابدار زاهد خان ۽ ٻين جي ضمانت رد ڪئي وئي. ضمانت رد ٿيڻ کان پوءِ به پوليس 6 مهينن تائين گرفتاري لاءِ ڪو به عملي قدم نه کنيو. عدالتي حڪمن تي فوري عملدرآمد انصاف جو بنياد آهي. سپريم ڪورٽ پنهنجي فيصلي ۾ چيو ته پنجاب جي آءِ جي غفلت جو اعتراف ڪندي عدالتي حڪمن تي عمل درآمد لاءِ سرڪلر جاري ڪرڻ جو يقين ڏياريو. انتظامي سهولت کي پوليس جي گرفتاري ۾ دير جي جواز طور استعمال نٿو ڪري سگهجي ۽ غير قانوني دير انصاف جي نظام ۽ عوام جي اعتماد کي نقصان پهچائي ٿي. سپريم ڪورٽ موجب، اپيل التوا ۾ هجڻ باوجود، حڪم نه ملڻ تائين گرفتاري کان بچڻ ممڪن ناهي. ياد رهي ته جوابدار زاهد خان ضمانت جي درخواست بابت سپريم ڪورٽ ۾ اپيل داخل ڪئي هئي، جڏهن ته درخواستگذار جي وڪيل طرفان درخواست واپس وٺڻ کان پوءِ درخواست خارج ڪئي وئي.