پنڊي سميت ڪيترن ئي شهرن ۾ برسات، ڪهوٽہ ۾ ڪڪر ڦاٽڻ سبب ٻوڏ، پاڻي گهرن ۾ داخل

راولپنڊي:(آچر 06 جولاءِ 2025ع)راولپنڊي ۽ لاهور سميت ڪيترن ئي شهرن ۾ برسات جاري آهي. راولپنڊي جي ڪهوٽا علائقي ۾ ڪڪر ڦاٽڻ سبب ٻوڏ آئي ۽ پاڻي گهرن ۽ دڪانن ۾ داخل ٿي ويو. محلا چاهت ۾ گهر جي ڇت ڪرڻ سبب هڪ ٻار فوت ٿي ويو، جڏهن ته هڪ ماءُ ۽ ٻن ٻارن کي زخمي حالت ۾ ملبي مان بچايو ويو. پنڊي جي سيد پور ڳوٺ ۾ سڀ کان وڌيڪ 131 ملي ميٽر برسات رڪارڊ ڪئي وئي. موسميات کاتي موجب، پي ايم ڊي ۾ 81 ملي ميٽر، گولڙه ۾ 31 ملي ميٽر ۽ چڪلالا ۾ 25 ملي ميٽر برسات رڪارڊ ڪئي وئي. ٻئي طرف، لاهور ۾ صبح کان وقفي وقفي سان برسات جو سلسلو جاري آهي، مينهن سبب موسم خوشگوار ٿي وئي آهي، گرمي ۽ نمي ٽٽي وئي آهي. لاهور ۾ سڀ کان وڌيڪ برسات پاڻي والا تالاب ۾ 74 ملي ميٽر رڪارڊ ڪئي وئي. پي ڊي ايم اي موجب، گذريل 24 ڪلاڪن دوران پنجاب ۾ برسات سبب مختلف حادثن ۾ 2 ماڻهو فوت ۽ 6 زخمي ٿيا. ٻئي طرف، اين ڊي ايم اي 10 جولاءِ تائين ملڪ ۾ تيز برساتن ۽ ٻوڏ جو الرٽ جاري ڪيو آهي.