سڊني:(اڱارو 15 جولاءِ 2025ع)آسٽريليا ٽئين ۽ آخري ڊي نائيٽ ٽيسٽ ميچ ۾ ويسٽ انڊيز کي 176 رنسن سان شڪست ڏني.
ويسٽ انڊيز جي ٽيم ٻئي اننگ ۾ صرف 27 رنسون ٺاهي سگهي، جيڪو 70 سالن جي تاريخ ۾ مڪمل ٽيسٽ اننگ ۾ ٻيو گهٽ ترين اسڪور آهي.
ويسٽ انڊيز جي ٽيم گهٽ ترين ٽيسٽ اننگ جي 70 سال پراڻي رڪارڊ جي ويجهو آئي، جنهن کان اڳ نيوزي لينڊ جي ٽيم 1955 ۾ آڪلينڊ ۾ انگلينڊ خلاف 26 رنسن تي آئوٽ ٿي هئي.
ان کان علاوه، ڏکڻ آفريقي ٽيم ٻه ڀيرا 30 رنسن تي آئوٽ ٿي چڪي آهي.
هڪ اننگز ۾ ويسٽ انڊيز جا 7 رانديگر ڊڪ تي آئوٽ ٿيا ۽ 4 بيٽسمين گولڊن ڊڪ تي آئوٽ ٿيا.
آسٽريليا جي فاسٽ بالر اسڪاٽ بولنڊ هيٽ ٽرڪ ورتي ۽ مچل اسٽارڪ پنهنجي 100 هين ٽيسٽ ۾ 400 وڪيٽون مڪمل ڪيون. اسٽارڪ پنهنجي ڪيريئر جي بهترين بالنگ ڪئي ۽ 9 رنسن تي 6 وڪيٽون ورتيون، کيس مين آف دي ميچ قرار ڏنو ويو.
آسٽريليا پهرين اننگز ۾ 225 ۽ ٻي اننگز ۾ 121 رنسون ٺاهيون، جڏهن ته ويسٽ انڊيز پهرين اننگز ۾ 143 ۽ ٻي اننگز ۾ 27 رنسون ٺاهيون.
آسٽريليا ويسٽ انڊيز ۾ 3 ٽيسٽ جي سيريز 0-3 تان کٽي ورتي.
0 تبصرے
Do not use vulgar language