اسلام آباد:(خميس 17 جولاءِ 2025ع)راولپنڊي ۽ اسلام آباد ۾ گذريل رات کان ٿيندڙ طوفاني برسات تباهي مچائي ڇڏي آهي. نالا لائي ۾ پاڻي جي سطح بلند ٿيڻ سبب خطري جي گھنٽي وڄائي وئي آهي ۽ ويجهي آبادي کي محفوظ هنڌ منتقل ٿيڻ جون هدايتون جاري ڪيون ويون آهن.
گذريل رات کان وٺي جڙيل شهرن ۾ 230 ملي ميٽر مينهن رڪارڊ ڪيو ويو آهي، جنهن جي ڪري راولپنڊي ۽ اسلام آباد ۾ هيٺاهين وارا علائقا پاڻي هيٺ اچي ويا آهن. راولپنڊي جي علائقي ڍوڪ ڍاڪا ۾ پاڻي جمع ٿيڻ سبب شهري ڏکيائين کي منهن ڏئي رهيا آهن.
راولپنڊي ۽ اسلام آباد ۾ نالن جي ڀرجڻ سبب ڪيترن ئي رستن تي ٽريفڪ کي ڏکيائين کي منهن ڏيڻو پئجي رهيو آهي.
برسات سبب نالا لائي ۾ ڪٽاريان وٽ پاڻي جي سطح 20 فوٽ ۽ گوالمنڊي پل تي 19 فوٽ تائين پهچي وئي آهي، جڏهن ته سوان ندي ۾ به پاڻي جي سطح وڌي وئي آهي، جنهن جي ڪري پل پاڻي هيٺ اچي ويو آهي.
نالا لائي ۾ پاڻي جي سطح بلند، ويجھي آبادي کي محفوظ هنڌ منتقل ڪرڻ جون هدايتون
نالا لائي جي چوڌاري خطري جا سائرن وڄايا ويا، جڏهن ته ريسڪيو، واسا، سول ڊفينس سميت سڀني ادارن کي هاءِ الرٽ تي رکيو ويو آهي.
نالا لائي، ڪٽاريان ۽ گوالمنڊي ۾ انخلا جي وارننگ جاري ڪئي وئي آهي، ريسڪيو عملدارن جو چوڻ آهي ته پاڻي جي سطح بلند هجڻ ڪري ويجھي آبادي خطري ۾ آهي، شهري احتياط طور محفوظ هنڌن تي منتقل ٿين.
ٻوڏ ۾ ڦاٿل ماڻهن کي بچائڻ لاءِ فوج جي مدد طلب ڪئي وئي
ايم ڊي واسا ٽرپل ون برگيڊ سان به رابطو ڪيو آهي ۽ ترجمان جو چوڻ آهي ته هنگامي صورتحال ۾ پاڪستان آرمي کي سڏڻ جو فيصلو ڪيو ويو آهي، شهرين کي غير ضروري سفر کان بچڻ جي هدايت ڪئي وئي آهي.
ان دوران جهلم ۾ رات کان مسلسل برسات سبب درياءَ ۽ واهه ڀرجي رهيا آهن، ضلعي انتظاميا ٻوڏ ۾ ڦاٿل ماڻهن کي بچائڻ لاءِ فوج کان مدد گهري آهي.
راولپنڊي ۾ هڪ ڏينهن جي موڪل جو اعلان
موسم جي صورتحال کي نظر ۾ رکندي راولپنڊي ضلعي ۾ هڪ ڏينهن جي موڪل جو اعلان ڪيو ويو آهي. ڊپٽي ڪمشنر راولپنڊي موڪلن جو نوٽيفڪيشن جاري ڪيو آهي جنهن ۾ عوام کي اپيل ڪئي وئي آهي ته هو گهرن ۾ رهن ۽ غير ضروري طور تي گهرن مان نه نڪرن.
موسميات کاتي وڌيڪ برساتن جي اڳڪٿي ڪئي آهي
آزاد ڪشمير جي نيلم وادي ۾ گذريل رات کان تيز برساتن جو سلسلو جاري آهي. تيز برساتن سبب نيلم درياءَ ۽ دريائن ۾ پاڻي جو وهڪرو وڌي ويو آهي.
ٻئي طرف موسميات کاتي وڌيڪ برساتن جو امڪان ظاهر ڪيو آهي.
0 تبصرے
Do not use vulgar language