غزہ:(خميس 03 جولاءِ 2025ع)غزه ۾ اسرائيلي فوج جا وحشيانه حملا بند نه ٿي سگهيا، تازين حملي ۾ اسرائيلي فوج هڪ اسڪول تي بمباري ڪئي ۽ 17 وڌيڪ فلسطيني قتل ڪيا.
عرب ميڊيا موجب، اسرائيلي فوج مصطفيٰ حافظ نالي هڪ اسڪول کي نشانو بڻايو. سوين فلسطيني خاندانن هن اسڪول ۾ پناهه ورتي آهي.
صبح کان وٺي غزه جي مختلف علائقن ۾ 73 فلسطيني شهيد ٿي چڪا آهن، جڏهن ته هڪ ڏينهن ۾ اسرائيلي حملي ۾ شهيد ٿيندڙن جو انگ 118 تائين پهچي ويو آهي، امدادي سامان جي انتظار ۾ 33 فلسطيني به قتل ٿيلن ۾ شامل آهن.
ان دوران، عرب ميڊيا جي هڪ جاچ رپورٽ ۾ انڪشاف ٿيو آهي ته اسرائيلي فوج 18 مارچ کان وٺي خان يونس جي ڏکڻ علائقي مان 83.5 سيڪڙو فلسطينين کي زبردستي بي دخل ڪري ڇڏيو آهي.
ٻئي طرف، فلسطين ۾ انساني حقن جي صورتحال لاءِ گڏيل قومن جي خاص نمائندي، فرانسسڪا الباني، غزه جي صورتحال کي قيامت قرار ڏنو.
گڏيل قومن جي انساني حقن جي ڪائونسل ۾ پنهنجي تقرير دوران، فرانسسڪا البانيز اسرائيل کي غزه ۾ بدترين نسل ڪشي جو ذميوار قرار ڏنو ۽ سڀني ملڪن کان مطالبو ڪيو ته اهي اسرائيل سان مڪمل هٿيارن جي پابندي، واپاري معاهدا ۽ سيڙپڪاري لاڳاپا معطل ڪن.
غزه ۾ ايندھن جي شديد کوٽ
نارويجي پناهگير ڪائونسل جي سيڪريٽري جنرل غزه ۾ ايندھن جي ذخيرن جي گھٽتائي تي گهري ڳڻتي جو اظهار ڪيو آهي.
اين آر سي جي سيڪريٽري جنرل جان ايگلينڊ سوشل ميڊيا تي هڪ پيغام ۾ چيو ته غزه ۾ ايندھن جي شديد کوٽ پيدا ٿي وئي آهي، خبردار ڪيو ته ايندھن کان سواءِ کاڌي جي ورڇ ممڪن نه هوندي ۽ نه ئي صحت جون سهولتون دستياب هونديون.
هن خبردار ڪيو ته غزه ۾ ايندھن جي کوٽ سبب 2.1 ملين زندگيون خطري ۾ آهن، جيڪو ڪو رسد جو مسئلو ناهي پر زندگي ۽ موت جو معاملو آهي.
0 تبصرے
Do not use vulgar language