غزه: اسرائيل انڊونيشيائي اسپتال جي ڊائريڪٽر کي خاندان سميت قتل ڪري ڇڏيو

غزہ:(اربع 02 جولاءِ 2025ع)غزه ۾ اسرائيلي حملي ۾ انڊونيشيائي اسپتال جو ڊائريڪٽر ۽ سندس خاندان سمیت قتل ٿي ويا. قطري نشرياتي اداري 'الجزيره' جي مطابق، غزه شهر ۾ اسرائيلي حملي ۾ انڊونيشيائي اسپتال جو ڊائريڪٽر مروان السطان پنهنجي خاندان سميت شهيد ٿي ويو. صيهوني فوج جو حملو غزه شهر جي ڏکڻ اولهه ۾ هڪ رهائشي عمارت تي ڪيو ويو، جنهن ۾ سندس زال ۽ ٻار به مارجي ويا. رپورٽ موجب، مروان السطان غزه کان معلومات جو هڪ اهم ذريعو هو ۽ محاصره ٿيل علائقي جي اتر ۾ فلسطينين جي حالت زار تي رپورٽ ڪندو هو. هن بار بار عالمي برادري کي اپيل ڪئي هئي ته طبي عملي جي حفاظت کي يقيني بڻايو وڃي، خاص طور تي جڏهن اسرائيلي فوج اسپتال جو گهيرو ڪيو يا حملو ڪيو. اهو ياد رکڻ گهرجي ته اڄ صبح کان اسرائيلي حملي جي نتيجي ۾ 43 فلسطيني شهيد ٿي چڪا آهن، جن ۾ ٻار ۽ عورتون به شامل آهن، جڏهن ته صيهوني ظلمن جي ڪري هاڻي تائين ڪل 56,531 فلسطيني قتل ٿي چڪا آهن. ٻئي طرف، اسرائيلي وزيراعظم نيتن ياهو 7 جولاءِ تي وائيٽ هائوس جو دورو ڪندو، جتي سندس آمريڪي صدر ڊونلڊ ٽرمپ سان ملاقات جو امڪان آهي.