اسلام آباد:(آچر 22 جون 2025ع)بچاءَ واري وزير خواجه آصف آمريڪا جي حوالي سان پاڪستان جي پرڏيهي پاليسي ۾ تضاد جو اعتراف ڪيو آهي.
ميڊيا سان ڳالھائيندي خواجه آصف اعتراف ڪيو ته هڪ طرف ٽرمپ لاءِ نوبل انعام جي سفارش ڪرڻ ۽ ٻئي طرف ايران تي آمريڪي حملي جي مذمت ڪرڻ هڪ تضاد آهي.
هن چيو ته ايران اسان جو پاڙيسري آهي، ان ۾ ڪو شڪ ناهي، اسان گڏ بيٺا آهيون، ايران سان اسان جا لاڳاپا مضبوط ٿيا آهن ۽ ايران سان اسان جو ڀائيچارو اڀري آيو آهي.
نوبل انعام لاءِ آمريڪي صدر جي نامزدگي جي حوالي سان هن چيو ته پاڪ-ڀارت تڪرار ۾ آمريڪي صدر جو ڪردار اهم آهي، هن پاڪ-ڀارت جنگ کي روڪڻ ۾ مدد ڪئي.
هن چيو ته پاڪ-ڀارت لاڳاپن ۾ آمريڪا جو ڪردار اسان کي مناسب آهي، ان حوالي سان نوبل انعام لاءِ سفارش لاڳاپيل آهي.
ان کان علاوه، گهرو معاملن واري مملڪتي وزير طلال چوڌري چيو آهي ته ماڻهو پڇن ٿا ته اسان آمريڪي صدر ڊونلڊ ٽرمپ کي نوبل امن انعام لاءِ ڇو نامزد ڪيو آهي؟ ڪشمير اسان جي ساهه جي رڳ آهي، جيڪڏهن ڪو ان جو مسئلو حل ڪندو ته اسان ان کي مٿي تي رکينداسين.
ياد رهي ته ڪالهه پاڪستان جي حڪومت ناروي جي نوبل ڪميٽي کي آمريڪي صدر ڊونلڊ ٽرمپ کي نوبل امن انعام ڏيڻ لاءِ سفارش جو خط موڪليو هو.
0 تبصرے
Do not use vulgar language