برسلز:(سومر 23 جون 2025ع)نيٽو جي سيڪريٽري جنرل مارڪ روٽ روس کي نيٽو اتحاد لاءِ سڀ کان سڌو ۽ اهم خطرو قرار ڏنو آهي.
مارڪ روٽ هالينڊ جي شهر دي هيگ ۾ هڪ پريس بريفنگ ۾ دعويٰ ڪئي ته ايران روس جي يوڪرين سان جنگ ۾ تمام گهڻو ملوث آهي.
ايران جي ايٽمي پروگرام بابت ڳالهائيندي، سيڪريٽري جنرل مارڪ روٽ چيو ته ايراني ايٽمي سهولتن تي آمريڪي حملي ڪنهن به بين الاقوامي قانون جي ڀڃڪڙي نه ڪئي.
هن اهو به زور ڏنو ته ايران کي بلڪل به ايٽمي هٿيار نه ٺاهڻ گهرجن ۽ اتحادي ملڪن به بار بار ايران جي ايٽمي پروگرام جي سخت مخالفت ڪئي آهي.
نيٽو جي سيڪريٽري جنرل هن سال يوڪرين کي 35 ارب يورو کان وڌيڪ فوجي امداد جو اعلان پڻ ڪيو ۽ چيو ته يوڪرين لاءِ اسان جي حمايت مسلسل ۽ غير متزلزل آهي.
0 تبصرے
Do not use vulgar language