عالمي منڊي ۾ خام تيل جي قيمتن ۾ تيزي سان گهٽتائي اچي وئي

لنڊن:(اڱارو 24 جون 2025ع)ايران ۽ اسرائيل جي وچ ۾ جنگ بندي جي اعلان کان پوءِ عالمي منڊي ۾ خام تيل جي قيمتن ۾ تيزي سان گهٽتائي آئي آهي. ايران ۽ اسرائيل جي وچ ۾ جنگ بندي جي اعلان کان پوءِ عالمي منڊي ۾ برينٽ خام تيل جي قيمت تقريبن 9 سيڪڙو گهٽجي وئي، جنهن کان پوءِ برينٽ خام تيل جي قيمت 70 ڊالر في بيرل تائين پهچي وئي آهي. رپورٽ موجب، عالمي منڊي ۾ WTI خام تيل جي قيمت 7.22 سيڪڙو گهٽجي 68.51 ڊالر في بيرل ٿي وئي آهي. ياد رهي ته ڪجهه ڪلاڪ اڳ آمريڪي صدر ڊونلڊ ٽرمپ ايران ۽ اسرائيل جي وچ ۾ جنگ بندي جو اعلان ڪيو هو. ايران پاڪستان جي وقت مطابق صبح 9 وڳي کان جنگ بندي تي عمل شروع ڪري ڇڏيو آهي ۽ اسرائيل پنهنجي هوائي حدون به کوليون آهن. ان کان علاوه، آمريڪي صدر ٽرمپ ڌرين کي جنگ بندي جي خلاف ورزي نه ڪرڻ جي اپيل پڻ ڪئي آهي.