جنگ بندي کان اڳ اسرائيل تي ايران جي حملي ۾ تباهي جا منظر

تل ابیب:(اڱارو 24 جون 2025ع)اسرائيل سان جنگ بندي جي معاهدي کان اڳ، ايران تل ابيب تي هڪ طاقتور حملو ڪيو، جنهن ۾ وڏي پئماني تي تباهي ٿي. ٽائمز آف اسرائيل جي هڪ رپورٽ موجب، جنگ بندي جي معاهدي کان اڳ، ايران ڏکڻ اسرائيلي شهر بيرشيبا ۾ هڪ رهائشي عمارت تي ميزائل حملو ڪيو. شروعات ۾، حملي ۾ مرڻ وارن جو انگ 3 هو، جيڪو بعد ۾ وڌي 5 ٿي ويو، جڏهن ته لڳ ڀڳ 20 اسرائيلي زخمي ٿيا ۽ انهن کي اسپتال منتقل ڪيو ويو، جن مان ٻن جي حالت نازڪ آهي.

اهو ياد رکڻ گهرجي ته ايٽمي سهولتن تي آمريڪي حملي جي جواب ۾، ايران قطر ۾ هڪ وڏي آمريڪي فوجي اڏي تي ميزائل فائر ڪيا، جنهن کان پوءِ ڪجهه ڪلاڪن بعد ڊونلڊ ٽرمپ دعويٰ ڪئي ته ايران ۽ اسرائيل جنگ بندي تي متفق ٿي ويا آهن. آمريڪي صدر سوشل ميڊيا تي هڪ پيغام ۾ لکيو ته اسرائيل ۽ ايران جنگ بندي تي متفق ٿي ويا آهن، ۽ ٻئي ملڪ باضابطه طور تي جنگ جي خاتمي جو اعلان ڪندا. ڊونلڊ ٽرمپ چيو ته، "سڀني کي مبارڪون هجن، اسرائيل ۽ ايران هڪ مڪمل ۽ جامع جنگ بندي معاهدي تي پهچي ويا آهن." ايران ۽ اسرائيل بعد ۾ باضابطه طور تي جنگ بندي جو اعلان ڪيو.