احمد آباد:(اربع 04 جون 2025ع)18 سالن جي ڊگهي انتظار کان پوءِ، رائل چئلينجرز بنگلور ۽ ويرات ڪوهلي انڊين پريميئر ليگ (آءِ پي ايل) ٽرافي کٽي ورتي آهي.
رائل چئلينجرز بنگلور 2008 کان پوءِ پنهنجو پهريون آءِ پي ايل ٽائيٽل کٽڻ جو خواب پورو ڪيو، آءِ پي ايل 2025 جي فائنل ۾ پنجاب ڪنگز کي 6 رنسن سان شڪست ڏئي.
ويرات ڪوهلي مسلسل 18 سيزن کان رائل چئلينجرز بنگلور جي نمائندگي ڪري رهيو آهي ۽ هاڻي پهريون ڀيرو انهن آءِ پي ايل ٽرافي کٽي آهي.
اڱاري تي احمد آباد جي نريندر مودي اسٽيڊيم ۾ کيڏيل آءِ پي ايل سيزن 18 جي فائنل ۾، رائل چئلينجرز بنگلور پهرين بيٽنگ ڪئي ۽ مقرر 20 اوورن ۾ 9 وڪيٽن جي نقصان تي 190 رنسون ٺاهيون، جيڪو هن سيزن ۾ هن گرائونڊ تي گهٽ ۾ گهٽ اسڪور هو.
اسٽار بيٽسمين ويرات ڪوهلي 43 رنسن سان بنگلور لاءِ اڳواڻ بيٽسمين هو.
191 رنسن جي هدف جو تعاقب ڪندي، پنجاب سپر ڪنگز ٽيم مقرر 20 اوورن ۾ 7 وڪيٽن جي نقصان تي صرف 184 رنسون ٺاهي سگهي.
اهڙي طرح، رائل چيلنجرز بنگلور آخرڪار 6 رنسن سان کٽڻ کان پوءِ پهريون ڀيرو آئي پي ايل جو ٽائيٽل کٽي ورتو.
ويرات ڪوهلي آئي پي ايل کٽڻ کان پوءِ ميدان تي جذباتي ٿي ويو ۽ سندس اکيون آليون ٿي ويون.
0 تبصرے
Do not use vulgar language