محبوبه مفتي پاران پاڪستاني ۽ هندستاني اڳواڻن کي حملا روڪڻ جي اپيل

سرينگر:(جمعو 09 مئي 2025ع)والاريل ڪشمير جي اڳوڻي وڏي وزير محبوبه مفتي پاڪستاني ۽ هندستاني اڳواڻن کان حملي کي روڪڻ جي اپيل ڪئي. محبوبه مفتي هڪ بيان ۾ چيو ته هوءَ پاڪستان ۽ هندستان جي اڳواڻن کي اپيل ڪري ٿي ته اهي حملا بند ڪن، ته پاڪستان ۽ هندستان جا وزيراعظم فون کڻن، ڳالهائين ۽ هن تڪرار جو حل ڳولين. محبوبه مفتي چيو ته فوجي آپريشن بنيادي مسئلو حل نٿا ڪن، ڪڏهن به مسئلو حل نٿا ڪن ۽ نه ئي امن فراهم ڪن ٿا. هن وڌيڪ چيو ته، "پلواما حملي جي جواب ۾ بالاڪوٽ حملي مان ڀارت کي ڇا مليو؟" تنهن ڪري، ٻنهي ملڪن کي فوجي مداخلت بدران سياسي مداخلت جو انتخاب ڪرڻ گهرجي. ياد رهي ته پاڪستاني فوج طرفان مناسب جواب ملڻ کان پوءِ ڀارتي فوج لائن آف ڪنٽرول (ايل او سي) تي شهري آبادي کي نشانو بڻائڻ شروع ڪيو. ٻئي طرف، ڀارتي فوج 3 رافيل جيٽ سميت 5 جنگي جهازن کي تباهه ڪرڻ کان پوءِ ڊرون حملا ڪيا، ۽ ٻن ڏينهن ۾ ڀارتي فوج پاران موڪليل 77 اسرائيلي ٺهيل هيروپ ڊرون تباهه ڪيا ويا آهن.