بيجنگ:(خمیس 15 مئي 2025ع)چين، هندستان کي سخت ڌڪ ۾، ارونا پرديش جو نالو بدلائي زنگنان رکيو آهي ۽ زنگنان ۾ 27 هنڌن جا نالا به تبديل ڪري ڇڏيا آهن.
چيني پرڏيهي وزارت چيو آهي ته چيني حڪومت پاران شنگ نان (اروناچل پرديش) ۾ هنڌن جا نالا تبديل ڪرڻ چيني خودمختياري آهي. شنگ نان تاريخي، جاگرافيائي ۽ انتظامي طور تي چين جو حصو آهي. انهن هنڌن کي چيني نالا ڏيڻ اسان جي اندروني معاملن جو حصو آهي.
بيان ۾ چيو ويو آهي ته هي قدم چين جي خودمختيار انتظامي اختيار هيٺ کنيو ويو آهي، جنهن جو مقصد علائقي جي تاريخي ۽ ثقافتي سڃاڻپ کي اجاگر ڪرڻ آهي.
هندستان شنگ نان کي اروناچل پرديش جو حصو قرار ڏئي ٿو، جڏهن ته چين ان کي ڏکڻ تبت جو علائقو سمجهي ٿو. هن معاملي تي ٻنهي ملڪن جي وچ ۾ اڳ ئي ڇڪتاڻ موجود آهي.
دفاعي ماهرن چيو آهي ته هندستاني جارحيت جي پاڪستان جي مناسب جواب کان پوءِ، سنڪيانگ تي چين جو واضح موقف هندستاني حڪومت لاءِ هڪ وڏو ڌڪ آهي. خطي جي هر ملڪ سان تڪرار پيدا ڪري، مودي حڪومت ثابت ڪيو آهي ته هندستاني حڪومت علائقائي امن جي دشمن آهي.
0 تبصرے
Do not use vulgar language