ڪرناٽڪا:(ڇنڇر 03 مئي 2025ع)ڪرناٽڪا جي وزير بي زيڊ ضمير احمد خان جو چوڻ آهي ته جيڪڏهن مودي ۽ اميت شاهه اجازت ڏين ته هو خودڪش بمبار جي حيثيت ۾ پاڪستان ويندو ۽ حملو ڪندو.
تفصيل موجب، مودي سرڪار جي وزيرن پاڪستان خلاف پنهنجي دشمني ۾ زهر اوڳاڇڻ شروع ڪري ڇڏيو آهي. ڪرناٽڪا جي وزير بي زيڊ ضمير احمد خان جو چوڻ آهي ته هو پاڪستان ۾ خودڪش حملو ڪرڻ لاءِ تيار آهي... هن چيو ته جيڪڏهن مودي ۽ اميت شاهه اجازت ڏين ته هو هڪ خودڪش بمبار جي حيثيت ۾ پاڪستان ويندو ۽ حملو ڪندو.
پريس ڪانفرنس دوران سندس بيان تي سڀ کلڻ لڳا، جنهن تي وزير چيو ته اهو مذاق نه هو ۽ هو سنجيده هو.
مخالف ۽ سوشل ميڊيا استعمال ڪندڙ هن بيوقوفانه بيان تي کيس تنقيد جو نشانو بڻائي رهيا آهن، جڏهن ته سندس بيان، جيڪو ڄمون ۽ ڪشمير جي پهلگام ۾ دهشتگرد حملي ۽ هندستان ۽ پاڪستان جي وچ ۾ وڌندڙ تڪرار جي تناظر ۾ آيو آهي، تيزي سان وائرل ٿي رهيو آهي.
0 تبصرے
Do not use vulgar language