ڪراچي:(سومر 28 اپريل 2025ع)ايم ڪيو ايم پاڪستان پيپلز پارٽي جي اڳواڻ تاج حيدر جي لاڏاڻي سبب خالي ٿيل سينيٽ جي سيٽ تي چونڊن ۾ حصو وٺڻ جو فيصلو ڪري ورتو آهي.
ايم ڪيو ايم پاڪستان جي ڪنوينر ڊاڪٽر خالد مقبول سينيٽ چونڊن جي لاءِ نگهت مرزا کي پارٽي جو ٽڪيٽ جاري ڪري ڇڏيو آهي. ذريعن موجب ايم ڪيو ايم پاڪستان جي اميدوار نگهت مرزا اڄ ئي پنهنجي پارٽي ٽڪيٽ آر او کي جمع ڪرائيندي.
پيپلز پارٽي گذريل ڏينهن ايم ڪيو ايم پاڪستان کان سينيٽ چونڊن تان هٿ کڻڻ جي درخواست ڪئي هئي. سينيٽ چونڊن تان هٿ کڻڻ جو اڄ آخري ڏينهن آهي، سينيٽ چونڊون 6 مئي تي سنڌ اسيمبلي ۾ ٿينديون. ياد رهي ته سينيٽ جي سيٽ پيپلز پارٽي جي اڳواڻ تاج حيدر جي لاڏاڻي سبب خالي ٿي هئي.
0 تبصرے
Do not use vulgar language