اسلام آباد:(جمعو 25 اپريل 2025ع)پاڪستان جي پرڏيهي سيڪريٽري آمنه بلوچ پاڪستان ۾ مقرر پرڏيهي سفارتڪارن کي ڀارت جي ڇڪتاڻ وڌائڻ جي ڪوششن خلاف خبردار ڪيو آهي.
پاڪستان طرفان اسلام آباد ۾ مقرر مختلف ملڪن جي سفيرن ۽ سفارتي نمائندن کي پهلگام حملي کانپوءِ والاريل ڪشمير جي صورتحال بابت بريفنگ ڏني وئي.
پرڏيهي سيڪريٽري آمنه بلوچ سفيرن ۽ سفارتي نمائندن کي قومي سلامتي ڪميٽي جي اجلاس جي فيصلن بابت پڻ آگاهه ڪيو.
پرڏيهي سيڪريٽري پاڪستان خلاف ڀارتي پروپيگنڊا کي سختي سان رد ڪندي چيو ته اهڙا حربا خطي ۾ امن ۽ استحڪام کي روڪيندا. پاڪستان هميشه هر قسم جي دهشتگردي کي رد ڪيو آهي.
آمنه بلوچ پرڏيهي سفارتڪارن کي ڀارت جي تڪرار وڌائڻ جي ڪوششن خلاف خبردار ڪيو ۽ پنهنجي عزم کي ورجايو ته پاڪستان ڪنهن به قسم جي اشتعال انگيز ڪارروائي جو مناسب جواب ڏيڻ لاءِ تيار آهي.
0 تبصرے
Do not use vulgar language