نئین دھلي :(سومر 28 اپريل 2025ع)ڀارت فرانس سان 26 رافيل ايم جنگي جهاز خريد ڪرڻ جو معاهدو ڪيو آهي.
63,000 ڪروڙ هندستاني رپين جي هن ڊيل ۾ سنگل ۽ ٻه سيٽن وارا جهاز شامل آهن.
هڪ پرڏيهي خبر ايجنسي موجب معاهدي جي تحت، فرانسيسي ڪمپني ڊسالٽ ايوي ايشن پاران تيار ڪيل اهي جهاز هندستاني بحريه جي هوائي جهازن مان هلايا ويندا ۽ روسي ٺهيل مگ 29 جهازن جي جاءِ وٺندا.
هندستاني وزارت دفاع موجب، معاهدي ۾ 22 سنگل سيٽر ۽ 4 ٻه سيٽر جهاز شامل آهن، جن ۾ پائلٽ ٽريننگ، سيموليٽر، لاڳاپيل سامان، هٿيار، ۽ ڪارڪردگي تي ٻڌل لاجسٽڪ سپورٽ شامل آهن.
معاهدي تحت، هندستاني هوائي فوج جي بيڙي ۾ اڳ ۾ ئي موجود 36 رافيل جهازن لاءِ اضافي سامان پڻ فراهم ڪيو ويندو.
ڊسالٽ ايوي ايشن پنهنجي بيان ۾ چيو آهي ته فرانس کان پوءِ هندستاني بحريه پهرين فوج آهي جيڪا رافيل سامونڊي جهاز استعمال ڪري رهي آهي.
ڀارتي ميڊيا موجب، فرانسيسي ڪمپني 2028 ۽ 2032 جي وچ ۾ اهي جهاز ڀارت کي پهچائيندي.
0 تبصرے
Do not use vulgar language