نوشھره: (ڇنڇر 01 مارچ 2025ع)دارالعلوم حقانيه اڪوڙا خٽڪ جي ڊپٽي سپرنٽينڊنٽ مولانا حامد الحق شهيد جي جنازي نماز ادا ڪئي وئي.
مولانا حامد الحق جي جنازي نماز ۾ جماعت اسلامي جي اڳوڻي امير سراج الحق، اڳوڻي گورنر غلام علي ۽ ٻين اڳواڻن سميت ديني مدرسن جي عالمن ۽ شاگردن جي وڏي انگ شرڪت ڪئي، جڏهن ته مولانا حامد الحق کي دارالعلوم حقانيه، اڪوڙا خٽڪ ۾ دفن ڪيو ويو.
مولانا حامد الحق کي سندس مرحوم والد مولانا سميع الحق جي ڀرسان دفن ڪيو ويو.
اهو قابل ذڪر آهي ته گذريل ڏينهن دارالعلوم حقانيه، اڪوڙا خٽڪ جي جامع مسجد ۾ جمعي جي نماز کان پوءِ ٿيل خودڪش ڌماڪي ۾ جمعيت علماءِ اسلام سميع الحق گروپ جي سربراهه ۽ مدرسي جي ڊپٽي سپرنٽينڊنٽ مولانا حامد الحق حقاني سميت 8 ماڻهو شهيد ٿي ويا هئا.
آءِ جي خيبر پختونخوا ذوالفقار حماد چيو هو ته حملي جو نشانو جامعه حقانيه جو سربراهه مولانا حامد الحق حقاني هو.
0 تبصرے
Do not use vulgar language