وارہ: (ڇنڇر 01 مارچ 2025ع)وارهه ڀرسان چانڊيا برادري جي ٻن ڌرين ۾ ڪارنهن جي پراڻي تڪرار تان ڇڪتاڻ تيز، مهمان پيرسن قتل، حمل ٿاڻي جي حد ڳوٺ خير محمد ٻرڙو ۾ ميرڙاڻي پاڙي جي چانڊين وٽ مهمان ٿي ترسيل 60 ورهين جي غلام حسين چانڊيو کي هٿياربندن قتل ڪري ڇڏيو، اطلاع تي پوليس ۽ وارثن پهچي لاش کڻائي اسپتال پهچايو، واقعي بعد ڌريون مورچابند ٿي ويون، مقتولن جو انگ 5 ٿي ويو،پوليس جو چوڻ آهي ته ميرڙاڻي پاڙي جي حملاڻي ۽ مراداڻي چانڊين جي ٻن ڌُرين ۾ پراڻو سڱاوتي تڪرار هلندڙ آهي، پيرسن کي پلاند ۾ قتل ڪيو ويو آهي، جاچ ڪريون پيا، مقتول جي ڀائيٽي چيو ته ظالمن ظلم ڪيو آهي جوابدار گرفتار ڪري انصاف ڪيو وڃي، ڏيڍ سال اڳ ميھڙ جي وحدت ڪالوني ۾ ڪارنهن الزام هيٺ ايس ٽي پي اڳواڻ علي انور چانڊيو ۽ سندس عبدالڪريم جانوري جي قتل بعد ڌرين ۾ خوني تڪرار جنم ورتو، پ پ ايم پي اي سردار چانڊيو وٽ ڌرين جو پاڪ ڪلام تي نبيرو ٿيڻ باوجود گذريل مهيني نوجوان ھاشم چانڊيو کي قتل ڪري تڪرار کي هڪ ڀيرو ٻيهر وڌايو ويو
0 تبصرے
Do not use vulgar language