وزيرستان: (اربع 26 مارچ 2025ع)سيڪيورٽي خدشن جي ڪري ڏکڻ ۽ اتر وزيرستان ۾ ڪرفيو لاڳو ڪيو ويو آهي.
انتظاميا ڏکڻ ۽ اتر وزيرستان اپر ۾ ڪرفيو لاڳو ڪرڻ جو باضابطه نوٽيفڪيشن جاري ڪري ڇڏيو آهي.
ڏکڻ وزيرستان اپر جي ڊپٽي ڪمشنر سليم جان موجب، اربع ڏينهن ڏکڻ وزيرستان اپر ۾ هڪ ڏينهن لاءِ ڪرفيو لاڳو ڪيو ويندو، جنهن دوران آسمان منزه کان لڌا ۽ مڪين تائين رستا ۽ نواز ڪوٽ کان رزمڪ تائين رستا ٽريفڪ لاءِ بند رهندا.
ان دوران، اتر وزيرستان جي رزمڪ سب ڊويزن ۾ صبح 6 وڳي کان شام 6 وڳي تائين ڪرفيو لاڳو ڪيو ويو آهي.
ڊپٽي ڪمشنر چيو ته نواز ڪوٽ پل کان ڊنڪن تحصيل رزمڪ تائين ڪرفيو هوندو، جڏهن ته ڊنڪن کان ميلوگئي پل کان تحصيل ڊوسلي تائين مڪمل ڪرفيو لاڳو رهندو. مسافرن کي متبادل رستا چونڊڻ جي درخواست ڪئي وئي آهي.
0 تبصرے
Do not use vulgar language