تيل جي اسمگلنگ کي روڪڻ لاءِ ايران تي پابنديون لڳائڻ جو مطالبو: آمريڪي پرڏيهي کاتو

واشنگٽن: (سومر 17 مارچ 2025ع)آمريڪي پرڏيهي کاتي جي ترجمان ٽمي بروس چيو آهي ته ايران تي پابنديون تيل جي اسمگلنگ کي روڪڻ لاءِ لڳايون ويون آهن. تفصيل موجب آمريڪي پرڏيهي کاتي جي ترجمان ٽمي بروس پريس ڪانفرنس ۾ چيو ته يمني حوثي قزاق آهن، صدر ٽرمپ حوثين کي واضح پيغام ڏئي چڪو آهي، ۽ حوثي آمريڪي ڪمرشل جهازن تي 175 حملا ڪيا آهن. ٽمي بروس چيو ته وڏي طاقت سان امن قائم ڪرڻ جي آمريڪي طاقت واپس آئي آهي، ۽ ٽرمپ انتظاميه مختلف علائقن ۾ امن قائم ڪرڻ جي ڪوشش ڪري رهي آهي. آمريڪي پرڏيهي کاتي جي ترجمان چيو ته روس کي 30 ڏينهن جي جنگ بندي لاءِ تجويزون ڏنيون ويون آهن، ۽ هاڻي روس کي جنگ بندي جو فيصلو ڪرڻو آهي. حماس ۽ ٻين جي حمايت ڪندڙن جا ويزا منسوخ ڪيا پيا وڃن. حوثي باغين جي حملي جو سڌو سنئون ذميوار ايران هوندو: ڊونلڊ ٽرمپ ٽمي بروس چيو ته ڏکڻ آفريقي سفير تنقيد نه پر نسل پرستي جا الزام لڳايا هئا. سفير جي نيڪالي آمريڪي عوام جي احترام بابت هڪ واضح پيغام آهي. هن چيو ته سفري پابندين جي حوالي سان ڪا به آخري فهرست تيار نه ڪئي وئي آهي، مختلف ملڪن لاءِ ويزا پاليسي جو جائزو ورتو پيو وڃي، ۽ هر ملڪ کي پنهنجي سرحدن کي محفوظ بڻائڻ جو حق آهي. آمريڪي پرڏيهي کاتي جي ترجمان چيو ته شاگردن جي گرفتاري اظهار جو معاملو ناهي پر قانون لاڳو ڪندڙ ادارن جو معاملو آهي، ۽ حماس غزه ۾ ماڻهن جي مصيبت جو ذميوار آهي.